36 CONTOH GEGURITAN(PUISI) BAHASA JAWA

Lintangku

Dening : Achmad Reksa Billah

Lintang wis dadi srengenge

Cahyane kerasa luwih padhang

Luwih panas lan mencorong

Nanging saiki

Aku ora bisa nyawang suwi

Ora bisa ndilu endahmu maneh

Sekolahku

Dening : Adista Ayu Cindani

Sekolahanku…

Panggonan anggonku golek ilmu

Sekolahanku…

Diwulang dening Bapak-ibu Guru

Sekolahanku…

Sinau, maca buku

Ing Panggonan iki

Aku diajari supaya karo wong tuwaku kudu bekti

Ing panggonan iki

Aku diajari marang kanca aja srei

Diparingi PR kanggo gladhen

Kanggo sangu urip ing tengahing bebrayan

Panutanku

Dening : Ahmad

Panutanku..

Ora peduli sepira gedhene alangan

Jenengan tetep nyebarke ajaran

Ajaran kang sampurna

Ajaran saka Sing Kuasa

Panutanku..

Pasuryanmu ngalahi padhange rembulan

pituturmu isa gawe tentreme kahanan

Alus nanging teges

Panutanku..

Panutane wong kang duwe iman

Wong kang yakin marang Pengeran

Penginku niru sipat becikmu

Muga muga pandunga lan salam diwutahake marang awakmu

Nyawiji

Dening : Alifinda Berliana P. H

Naika rasa rumangsa wus musna

Tumrap sedayaning priyangga

Prakara siji sing beda bisa nyulut geni amuk tanpa tata suba sita

Ananging Gusti Pangeran punika welas asih

Maringake kita, umat islam, pangiket

Ukara tauhid kang mapan sajroning ati

Nyawiji dadi siji

Iku cirine umat Kanjeng Nabi

Sareng, makempal ora kerana donya lan isine

Amarga nyengkuyung mbangun negara

Urip tentrem kanthi landhasan agama

Seni  Indonesiaku

Dening : Anggarani Ismi P.

Lenggak-lenggok para estri

Eseman manis dipun tingali

Dados Pandhelengan ingkang adipeni

Mlampah enggal nyenengke ati

Duh budayaku.....

Tembangmu sinebar lestari

Paningal-paningal landhep  saking penari

Gong tinabuh bebareng gamelan

Jarik-jarik batik diagem

Katon enggal lan adhem

Werna-werni agawe padhang ing bumi

Budaya nuswantaraku lestari

BAPA

Dening: Anisatun Khusnul Khotimah

Bapa ...

Tetese ringet ora kok gatekake

Balung tua ora kok rasakake

Rengkek-rengkek mlaku nyambut gawe

Sega sajumput kok goleki

Kain sasuwek kok dondomi

Papan rubuh kok dandani

Wayah udan budhal nandur pari

Wayah panas budhal nggolek iwak teri

Nadyan getih kacucuran ana ing ngendi-ngendi

Duwit satus repes kok klumpukake

Iku kabeh kok tindakake

Mung kangga eseme anak putune

KELASKU

Dening : Arga Fahrizal P.

Oh kelasku....

Kahanane rame baanget

Hawane sejuk

Kipase ana loro

Larena sami rame-rame

Kelasku..

Panggonku nggolek ilmu

Ana sing kuru ana sing lemu

Ana sing meneng ana sing seneng ngguyu

Apa Kene Bakalan Mati

Dening : Ayodhya Premitha S.

Apa kene bakalan mati?

Kececer getih, semeleh pasrah

Ketekek tali, gamantung lemes

Kesiram banyu, ngawang awang

Apa kene bakalan mati?

Sakwise cebloke

Saklembare wulu

Isa malikna sakubahane bentengmu

Apa kene bakalan mati?

Yen ora ana keluarga ing tengenmu

Ora ana kanca ing kiwomu

Sanyoso

Ora ana Gusti Allah ing dhuwurmu

Lemah, awakmu mikir ora isa

Ngapusi, awakmu mikir ora nduwe sopo-sopo

Duroko, awakmu mikir Gusti Allah ora ana

Ya, awakmu bakalan mati

Lan awakmu bakalan getun marang sak lembare wulu iku

Sakwise awakmu ninggalno donya

Banjur ketemu marang Gusti kang Kuasa

Jihadku

Dening : Bagus Ahmad Ramadhan

Jihad kui bukti tresna marang agama

Jihad kui japaran saka usaha

Jihad ora mung perang, katah liyane

Senajan awake dewe pelajar

Sinau ingkang sregep, kui sampun kalebu jihad

Jihad ora mung nenteng senjaa

Kerja sing giat, kangge nenteng masa depan

Senajan enteng menawi dikumandangke

Nanging abot ganjarane

Jihad kelakon amarga niat

Niat kang tulus nglakoni jihad

Jihad ora kudu netesake getih

Netesake ringet, kui sampun kalebu jihad

Gedhe cilike niat kangge jihad

Menawi niat saking sajroning ati

Sampun diitung kedados jihad

Omah

Dening : Chika Avianda Putri

Kanggoku omah tetep wae omah

Panggonku bali paling tentrem

Ngasokaken ragaku

Sing pegel ngelakoni pakaryan

Awit cilik nganthi gedhe

Mesthi omah panggonan paling tak trisnani

Kenangan sing ora bisa tak lilangna

Nganti wis kliwat umurku

Nututi rahmat-Mu

Dening : Dyah aulia

Sak jroning sepi kula nyuwun

Ngitung dosa ing jero ati

Rumangsa getun ing sajadah

Ngelingi wektu terus mlaku

Urip ing dunya anyar kaping telu

Isih dawa sing kudu dilakoni

                                      Rumangsa getun wuwit ilang

                                      Amarga sing kuasa karasa adoh

Sak adoh-adohe sing kuasa tak goleki

Kanthi ati lan ambegan ngos-ngosan

Mbok menawi jeritan jiwa iki panjenengan piringaken

Duh.. Ya robb sing Maha Jalal

Sak jroning menenge sujud iki

                                      Karo sesake pecut jero ati

                                      Antara wis seneng lan siksa sing ngenteni

                                      Kuserahno urioku marang robbul izzati

Uculna siksa saka uripku

Tutupen dosa saka manise bujuk rayu

Ilangna kabeh kangen kajaba marang Maha Kuasa

Supaya enteng ambekan iki nyebut asmamu

Kanca Dhewe

Dening : Erdham Hestiadi

Kanca Kuwi…..

Mesthi ono nang uripe awak dhewe

Piliha kanca seng becik uga

Ora butuh diomongi mesti krungu

Yen luput aweh piweling

Tansah aweh pitulung

Tanggung jawab yen onok apa-apa

Tansah tentrem guyub rukun

Nadyan…..

Takdir bakal misahake…

Lintang

Dening : Faizur Rahmatin

Lir Sumilir bayu ning surga

Iling pisan ana banyu kang nyegera jiwa

Ndunyo iku mung sepira

Tansah semrawut lan kebak dusa

Akeh wong sing rangerti, melbu surga iku gampang

Namung sholat lan dunga marang gusti Allah, tinimbang

Grusa-grusu golek lintang sing ora isa ngabulna dunga

Lilin Tengah Wengi

Dening : Fitri Natalia

Rina gumanti lelawan wengi

Wengi kang kebak pepeteng

Pepeteng kang mbutohake cahya

Cahya kang bisa aweh pepadhang

Ing setengahe peteng iki aku nemu saktitik cahya

Cahya cilik kang bisa madhangi aku

Cahya lilin cilik kang bisa madhangi

Kang bisa kanggo pedhoman

Pedhoman kanggo terus mlangkah ing kapetengan

Pedhoman kanggo terus mlangkah saka keputusasaan

Lilin

Dening : Gio Vani Miftahul Huda

Aja kok anggep aku mingla lilin                                                           

Mung Koktakokake nalika ilange cahya                                        

Nanging yen cahya tumeka, aku sirna                                             

Kekiwa                                                                                                               

Aja kaya ngono                                                                                           

Nadyan aku lila menehake ragaku                                                       

Kanthi pepadhangmu tak jaluk                                                              

Tetep dadi rina                                                                                                     

Sing tansah rerantengan klawan wengi

Endahe Dunya

Dening : Heni Asnawati

Pinaring dening Gusti kan agung

Endahe dunya sing nengsemake

Ndadekake menungsa lali penciptane

Amargo ngalur ngidul nggolek rezeke lali kewajibane

Tinuju niku Gusti Allah ngelingake

Ibadah lan usaha niku sing ndamel kesenengan kang ora ono gantine

Kudu dingerteni yen ning dunya niku lamung sedela

Mati niku mesti

Surga niku mesti

Neraka yo mesti

Mula niku aja kabujuk karo endahe dunya

Dunya niku lamung sedela, akhirat sing bakal salawase

Lilin ing Tengah Wengi

Dening : Hilda Rosyida

Nalika wengi teka

Dunyo peteng ra ana surya

Nanging kabeh butuh cahya

Kabeh isa asal ngupaya

Yen lampu ora kena

Lilin isih ana

Nadyan cilik nanging bisa

Njalari wong sing sungkawa

Dadi suka

BAPAKKU

Dening : Intan Mia Permata Sari

Panjenengan sing kawitan gendhong aku

Panjenengan sing kawitan ngudang aku

Panjenengan seng kawitan nulungi aku yen kesusahan

Panjenengan uga sing tansah awih pitutur marang aku

Bapak ora tau sambat pegel nalika nyambut gawe

Kabeh asile mung kanggo ibu lan aku

Bapak wus bungah yen mirsani aku bungah

Nadyan terkadang penggalih kebak susah

Ibu

Dening : Isna Sasmita N.O.F

Sawijine dina aku ngendhamana

Awan bengi tansah susah

Amarga tugasku durung rampung

Ananging ibuku tansah semending

Ibuku gawe tentreme atiku lenthi donga-dongane

Ibuku wanita utama

Wis tansah sabar mring aku

Ibuku wanita utama

Sing tansah ngilingake selabuhe lakuku

Adhikku

Dening : Maharani Luthfiah C.N.

Adhiku

Sak bandhel-bandhele awakmu

Yen aku ngamuk

Aja’a kon iku wedi karo aku

Adhiku

                                      Sak susahe uripmu

                                      Yen kon njaluk tulung, bakal dhak tulung!

                                      Aja’a kon iku sungkan karo aku amarga aku mbakmu

Adhiku

Ngertia, aku tresna awakmu

Sak sibuk-sibuk e awakku, ngertia! Kon isih ana ing njero atiku

Senja

Dening : M. Arif Rahman

Iki langit ayu ing wayah sore

Pewarna ati kang nyenengake

Kanggo jiwa lan ragamu dhewe

Nanging,

Kabeh iku mung hiburan

Ilang,

Ninggalno angen

IBU

Dening : M. Bagus Hartawan Ilhami

Ibuku sing dak tresnoni

Lelabuhan dudu tanpa alangan

Kanggo nyenthake akehe katresnan

Katresna sing ora bisa dak gambar

Awit piranti gambarku kantun

Ora bisa nadhingi akehe katresnanmu

Ibu, aku tresno tenan

Nadyan katresnanku mung setithik

Yen katimbang klawan katresnanmu

Ibu sing wis ngalirake aku

Sing tansah sabar ngadepi polahku

Lan uga tansah mangapurani dedosaku

Pangarepku

Dening : M. Sulton Imam Puro

Saya suwea uripku kelingan

Marang para kanca

Kekancan tanpa mung ana butuhe

Adohe jarak lan suwene wayah

Ora bisa misahke kita

Pangarepku kekancan Iki

Tetep langgeng nganti tinuwa

Geguritanku

Dening : M. Taufiq Akbar

Geguritanku..

Tanpa makna..

Tanpa isi..

Tanpa crito..

Nanging siji sing arep tak elingke,

Jogo tiang agama.

Amarga dunyo uwis tuwo.

Karibku

Dening : Nabilah Najdatul M. K.

Ora ana tembung sing pas

Gawe nyuntak rasa kangenku

Gawe nyuntak rasa susahku

Amarga wis suwe kene ora ketemu

Tapi yen wis ketemu,

Ora ana wektu sing pas

Wektu kang suwe kerasa sedela

Ora ana sing pas

Yen kuwi ngenani awakmu

Apik e Ucapmu yen Ana Aku

Dening : Putri Febyanti Setya Darma

Apa wis ilang tresnamu

Tresna marang aku

Marang aku unggah ungguh basa sing diucap

Ora digawe, banjur, dilalikakae

Lara aku

Rumangsa ilang, nanging ana

Rumangsa ana, nanging ora dikarepake

Aku tau dadi sing utama

Dianggep wigati lan dibutuhno

Aku nggambarake apik e ucapmu

Nanging apa iki??

Aku kaya-kaya sirna saka ati lan pikiranmu

Awakmu butuh aku

Aku apik kanggo awakmu

Aja lalikake aku

Aku ing kene.. kangge apik e pangucapmu

Payambung Uripe Manungsa

Dening : R Zhenia Islami W.

Sang bagaskoro wis metu saka pucuk gunung

Sumilir angin

Swara manuk sesautan

Mratandhani tekane isuk

Atiku gemeter

Ndeleng pari wis padha ndingkluk

Ndingkluke dudu perkoro isin

Nanging

Dhewekke ngilangno rasa gumedhe

Nggawe klambi kuning

Sing tandhane wis wancine

Wis siap dadi panyambung uripe panguripan

Sapa maneh yen dudu manungsa?

Ibu

Dening : Retno Pembayun

Paduka punika abdi

Dalem ingkang tansah ngurus kawula

Sampeyan ngurus kula kanthi seneng lan tulus

Lan mundhakaken kula kanthi

Tanpa perasaan sambat

Sanajan sampeyan kadhangkala aran kesel

Nalika mundhakaken lan ngrawat kula

Nanging sampeyan ora tau ngeluh,

Sampeyan ibuku

Lilin Lampu Jagad

Dening : Rifqi Farid Maulana

Lilin...

Cilik wujudmu

Ananging gedhe paedahmu

Aku pengen bisa nuladha tumindakmu

Madhangi kang butuh pepadhang

Nadyan cahyamu ora sepirua padhang

Ananging cahyamu migunani tumrap panguripan

 

Bapak

Dening : Satryo Pambudi

Kangenku sajroning sepi

Tuwuh nalika arep panen padi

Nanging kangenku amung lan rasa

Aku ijen kudu mencaki dalan dhewe

Kamangka aku dereng ngerti putih irenge dalan sing nate kok warake

Aku kudu kepriye

Mugo Gusti paringi pitulunge

Amrih uripku kebak berkahe

Kaluwarga

Dening : Shely Prilya Swasti

Katresnananku ora bakal ucul saka atiku

Esem endah tansah ngobong semangatku

Ibu kang tansah midhangetna sesambatku

Bapak kang tansah nyukupi sesambatku

Dulur kang tansah nyenengake atiku

Wektu aku adoh saka dheweke kabeh, aku kesepenan

Katresnanan dheweke kabeh, luwih saka sakkabehe

Kaluwargaku....

Pancene kita ora sugih bandha,  nanging

Kita luwih endah saka kabeh iku

Kaluwargaku....

Awehana awakku iki yen tau ngelarani

Awehana sepura aku seng tansah nggawe beban

Wigatine Pendhidhikan

Dening : Shobri Arnanta

Ngangsu kawruh kui sing genah

Aja mandheg lan terus pasrah

Pancen akeh pacoban

Ayo sengkut aja nganti kleleran

He kanca aja kakehan dolan

Pikirna uga pelajaran

Sekolaha sing temenan

Mbesok yen gedhe bisa ngrengkuh kamulyan

Pendhihikan

Kanggo jagane masa depan

Pancen butuh pengorbanan

Ayo cepet diwujudna

Aja nganti kokiwakna

Kanca Lawas

Dening : Tessa Indira F.

Kilingan kahanan

Ningendi

Cedak karo kowe kabeh

Mung sakjarak jangka

Oralah saiki bedo?

Kadhangkala kukangeni angger masa

Dino dino karo konco lawas

Oralah saiki bedo?

Sebuah rencana

Akan dadi siyo siyo

Kabeh beralasan sing podho

Bumine Wes Tuwa

Dening : Yanuarista Cahyaningrum

Bumi iku sejatine wes tuwa

Endahe saya suwe san saya sirna

Lho kepriye?

Pancen manungsane san suwe san saya ngrembaka

Wis cetha, manungsa saya maju pamikire

Nanging, maju uga  rasa serakahe

                                      Wit-wit tinegor tanpa sisa

                                      Alas-alas diobong

                                      Lemah-lemah tanpa tanduran

                                       Samubarang bisa doyan

Ayo para kanca

Ngruleti bumi sing wis tuwa

Nglestarikake amrih anak putu bisa ngrasa

Uga bisa ngrasakake endahe donyo

Wakil Rakyat

Dening : Yudha Arif Budiani

Mosok ngene kerjane wakil rakyat?

Sing senengane tura-turu wae pas wayah rapat

Mosok ngene kerjane wakil rakyat?

Sing malah ndadekake negara dadi bujat

Apa kowe gak sadar?

Apa kowe gak wedhi?

Di sumpah karo kitab suci lho iki

Pancen enak anggonmu nglakoni korupsi

Amarga undang-undang kabeh kowe sing ngurusi

Nentukno hukuman lan sakbalane iya kowe sing ngurusi

Minangka rakyat protes

Hukuman korupsi diganti dadi hukuman mati

Kowe malah nggolek alasan sing ora mbetahi

Alasane hukuman mati iku ngalanggar hak asasi

Eh…Pancen pikiranmu iki wis ora mbejaji

Ora Bakal Bali

Dening : Zhafarina Zatalini

Rina nganti gumanti wengi

Nanging dheweke isih

Nangisi wong sing

Ora bakal bali

Yen wis ora ana

Lagi bisa krasa

Yen isih ana

Ora kaanggep anane

Pancene manungsa

Ora nduwe rasa

Syukur marang

Gusti Alloh